Монголын хошин шог зохиолын нэрт төлөөлөгч Жаргалын Барамсайн мэндэлсний 70 насны ой ирэх арваннэгдүгээр сарын 5-нд тохионо. Үүнтэй холбогдуулан түүний гэр бүл, үр хүүхдүүдийн санаачлан байгуулсан “Барамсай” төрийн бус байгууллага энэ жил Ж.Барамсайн амьдрал, уран бүтээлээс сэдэвлэсэн эрдэм шинжилгээний бага хурлыг зохион байгуулахаар төлөвлөжээ.
Энэхүү арга хэмжээ маргааш МУБИС-ийн утга зохиолын тэнхимийн 312 тоот танхимд болох юм. Эрдэм шинжилгээний бага хуралд МУИС-ийн профессор С.Нарангэрэл, МУБИС-ийн утга зохиолын тэнхимийн зөвлөх багш доктор профессор Р.Чүлтэмсүрэн болон эрдэм шинжилгээний бусад ажилтнууд итгэл тавих аж. Түүнчлэн Ж.Барамсайтай мөр зэрэгцэн ажиллаж, амьдарч явсан өдгөө Монгол Улсын Төрийн соёрхолт зохиолчид, МУСГЗ, МУУГЗ, МУГЖ зэрэг алдар хүндийн эзэд болон эрхэм анд нөхөд нь дурсамжаа хуваалцаж, уран бүтээлүүдээс нь толилуулах гэнэ.
