Баянгол дүүргийн 13 дугаар хороо, “Өргөө”-гийн гудамжны авто замыг маргааш буюу 2020 оны 09 дүгээр сарын 23-ны өдрөөс аравдугаар сарын 02-ны өдөр хүртэл хааж, зам засварын ажлыг хийж гүйцэтгэхээр болжээ. Энэхүү бүтээн байгуулалтын ажлын хүрээнд асфальт бетон хучилт, явган хүний зам засвар, тэмдэг тэмдэглэгээ, эгнээ тусгаарлах хашлага суурилуулах ажлууд хийгдэх юм байна. Зам түр хаах хугацаанд жолооч нар аюулгүй байдлаа ханган, бусад авто замыг сонгон хөдөлгөөнд оролцохыг нийслэлийн Авто замын хөгжлийн газраас мэдээллээ.
