Нийслэлийн Онцгой байдлын газраас Онцгой байдлын албаны 15 жилийн ойг тохиолдуулан эрхлэн гаргасан Анхны тусламжийн гарын авлага-2, Онцгой байдлын албанд ашиглагдаж буй механик болон гар багаж хэрэгсэл-3 номнуудыг Дотоод хэргийн их сургуулийн Ахлагчийн сургуульд хандивлалаа. Номыг Гамшгаас урьдчилан сэргийлэх хэлтсийн дарга, хурандаа Г.Нэргүй хүлээлгэн өгч, сургалтын ажиллагаанд амжилт хүссэн.
Тус сургуульд Аврагч, гал сөнөөгч, Аврах, гал түймэр унтраах автомашины жолооч, Холбооны бага мэргэжилтэн бэлтгэх сургалтуудыг зохион байгуулж явуулж байна. Энэхүү ном, товхимолыг олгосноор сонсогчдын мэргэжлийн сурах бичиг, гарын авлага зэрэг сургалтын хэрэглэгдэхүүний хүртээмжийг нэмэгдүүлсэн ач холбогдолтой үйл явдал боллоо гэж нийслэлийн Онцгой байдлын газраас мэдээлж байна.
