Дорноговь аймгийн Хөвсгөл, Хатанбулаг сумдын нутгаар дамжуулан Ханги дахь хилийн боомт руу өндөр хурдны интернэтийн шилэн кабель татах ажил эхэлжээ. Дээрх сүлжээ орсноор төрийн цахим бүх төрлийн үйлчилгээг шуурхай үзүүлэх боломжтой болж, Ханги хилийн боомтын экспорт, импортын үйлчилгээ мөн хурдан шуурхай болох юм байна.
Дорноговь аймгийн Хатанбулаг сумын нутагт орших Хангийн боомт нь 2002 онд байгуулагдсан бөгөөд БНХАУ-ын ӨМӨЗО-ы Бугат хотын Дархан муу мянганы холбоот хошуунд байрладаг Мандал боомттой хиллэдэг. Сайншандаас 310 километр, Улаанбаатар хотоос 750 километр алслагдсан боомт юм. Тус боомт 2018 онд байнгын цахилгаан эрчим хүчинд холбогдсон бөгөөд ийнхүү өндөр хурдны интернэттэй болох эхлэл тавигдаж байгаа ажээ.
