Хан-Уул дүүргийн 11, 15-р хороо, “Зайсан тойруу”-гийн авто зам дагуу дулааны шугамын ажил хийгдэж байгаатай холбогдуулан 2020 оны 08 дугаар сарын 21-ний өдрөөс 09 дүгээр сарын 06-ны өдрийг дуусталх хугацаанд тухайн авто замыг хаахаар болжээ. Иймд нийтийн тээврийн чиглэлд өөрчлөлт орсон байна.
Тиймээс иргэд хөдөлгөөнд оролцохдоо уг өөрчлөлтийг анхаарч, цаг хугацаагаа тооцож, төлөвлөхийг мэргэжлийн байгууллагаас анхааруулж байна. Энэхүү засварын хугацаанд нийтийн тээврийн үйлчилгээтэй холбоотой санал, хүсэлтийг Нийтийн тээврийн үйлчилгээний газрын 70044040 дугаарын утсаар тогтмол хүлээн авч, шуурхай шийдвэрлэх юм байна.
