ДЭМБ-ын эрүүл мэндийн яаралтай тусламжийн төсөл хариуцсан Майкл Райан өчигдөр буюу энэ сарын 10-нд болсон хэвлэлийн бага хурал дээр хэлэхдээ, шинэ коронавирусийн амьтан дахь эх үүсвэрийг олох нь маш хэцүү байх болно гэжээ. Тэрбээр, шинэ коронавирусийн эхний үеийн халдвар авсан тохиолдлууд Үханьд үүссэн учраас эмгэг судалгааг Үхань хотоос хийх ёстой. Гэхдээ халдвар авсан анхны тохиолдол эхний бүлгийн өвчтөнүүдэд байхгүй магадлалтай. Өвчилсөн цаг хугацаа нь халдвар авсан эхний бүлгийн тохиолдлуудаас эрт байсан бөгөөд өөр газарт халдвар авсан ч болзошгүй. MERS-ийн амьтан дахь эх үүсвэрийг олох гэж удаан жил зарцуулсан. SARS эд зүйлсийн төрлийг хэрхэн давсан тухай одоод хүртэл гэрч баримт олдоогүй байна. Тийм учраас шинэ коронавирус хэрхэн эд зүйлсээс үл хамааран халдварласан тухай нотлоход тун хэцүү. Гэсэн хэдий ч ирээдүйн эрсдэлийг арилгахын тулд бид мөн л эдгээр чухал мэдээллийг олох шаардлагатай гэжээ.
Мөн өдөр ДЭМБ-ын Ерөнхий захирал Тедрос Адханом хэвлэлийн бага хурал дээр хэлэхдээ, энэ долоо хоногт дэлхий нийтэд “COVID-19”-ийн халдвар авсан тохиолдол 20 саяд хүрч, нас барсан хүний тоо 750 мянгад хүрнэ гэжээ. Дэлхийн хэмжээнд 2020 оны наймдугаар сарын 10-ны өдрийн 03:06 цагийн байдлаар “COVID-19” өвчний 19,718,030 тохиолдол бүртгэгдсэний дотор 728,013 хүн нас бараад байна гэж ДЭМБ-ын мэдээлэлд дурдсан байна.
