Японы мэргэжлийн сүмо бөхийн нагоя башёгийн арван гурав дахь өдрийн барилдаанд их аварга Хакүхо М.Даваажаргал зодоглохгүй нь. Учир нь тэрбээр гэмтлийн улмаас энэ удаагийн башёг өнөөдрөөс эхэлж орхихоор болжээ. Ийнхүү энэ удаагийн башё их аваргуудгүйгээр үргэлжлэхээр болж байна. Энэ сарын башёгийн хоёр дахь өдөр их аварга Какүрюү М.Ананд мөн бэртлийн улмаас тэмцээнээ өндөрлүүлсэн.
Их аварга Хакүхо М.Даваажаргалын хувьд өчигдрийн барилдаанд сэкивакэ Митакэүмитай оноолт тааран барилдахдаа баруун өвдгөндөө гэмтэл авсан байна. Энэ сарын башёг маэгаширагийн 17-д бичигдээд буй Тэрүнофүжи Г.Ган-Эрдэнэ озэки Асанояамагийн хамт тэргүүлж байна.
