Боловсрол, шинжлэх ухааны яамны цахим хуудсаас суралцагчийн асуусан асуултад бичлэгийн алдаатай бөгөөд ёс зүйгүй хариулт өгсөн мэт постыг эвлүүлэн хийж, цахим орчинд түгээж байгаа нь Боловсрол, шинжлэх ухааны яам төдийгүй боловсролын салбарт ажиллагсдын ажил хэргийн нэр хүндэд халдсан, бүдүүлэг үйлдэл юм гэж үзэж байгаагаа илэрхийлжээ. Тиймээс зургийн программ ашиглан үйлдсэн уг эвлүүлгийг санаатай, санамсаргүй байдлаар түгээхгүй байхыг уриалжээ. Баримт, мэдээллийн үнэн бодит байдлыг нягталж, хүний эрх, алдар хүнд, ажил хэргийн нэр хүндэд халдаагүй, бусдад ач холбогдолтой мэдээллийг түгээхийг БШУЯ-наас уриалсан байна.
