“Өндөрхаан хот тохижилт” ОНТҮГ 650 сая төгрөгийн парк шинэчлэл хийжээ

Хэнтий аймгийн “Өндөрхаан хот тохижилт” ОНТҮГ-т төсвийн хөрөнгө оруулалтаар 650 сая төгрөгийн парк шинэчлэлт хийжээ. Шинээр худалдан авсан авто машинуудыг Хэнтий аймгийн Засаг дарга Н.Ганбямба өчигдөр хүлээлгэн өгсөн байна. Үүнд, 10 тоннын багтаамжтай цистерн бүхий зүлэг усалдаг машин нэг, 5 тоннын даацтай бункер бүхий хог тээвэрлэх машин хоёр, мөн 21 аймгаас анх удаа гудамж, талбай цэвэрлэдэг иж бүрэн тоног төхөөрөмж бүхий машин нэгийг худалдан авч парк шинэчлэл хийжээ. Түүнчлэн, орон сууцнуудын гадна байрлуулж, сэлгэн зөөвөрлөх зориулалттай хогны бункерууд авсан байна. Энэхүү парк шинэчлэлтийн багцад багтсан хүчин чадал сайтай бульдозер удахгүй ирнэ гэдгийг эх сурвалж хэллээ.