Saturday, April 5, 2025

Нийслэлийн нутгийн захиргааны байгууллагын ажилтнуудад олгох орон сууцыг нийслэлийн өмчид бүртгэлээ

Date:

Нийслэлийн ИТХ-ын шийдвэрээр Нийслэлийн Орон сууцны корпорацаас гэр хорооллыг дахин төлөвлөн барилгажуулах, залуу гэр бүлийг дэмжих, түрээсийн орон сууцыг нэмэгдүүлэх, орлогод нийцсэн орон сууцны хөтөлбөр зэргийг үе шаттай хэрэгжүүлж байгаа билээ. Зарим онцлох ажлаас дурдвал Сонгинохайрхан дүүргийн нутаг, Баянголын аманд 2000 өрхийн орлогод нийцсэн орон сууцны хөтөлбөр эхлүүлэв. Мөн зорилтод бүлгийн иргэдийг түрээслээд өмчлөх хэлбэрээр орон сууцтай болгох ажлыг Тэргүүлэгчдийн шийдвэрээр эхлүүлээд байна. Мөн иргэдийн газрыг орон сууцаар солих зэрэг ажлыг үе шаттай зохион байгуулж буй.
Энэ хүрээнд нийслэлийн төр захиргааны байгууллага, орон нутгийн өмчит үйлдвэрийн газруудын ажилтан, албан хаагчдын нийгмийн баталгааг хангах зорилгоор хөтөлбөр мөн хэрэгжүүлж байгаа билээ. Тус хөтөлбөрийн хүрээнд хямд өртөгтэй эхний ээлжийн 47 орон сууцыг нийслэлээс худалдан авсан байдаг. Тодруулбал, дээрх барилгуудыг нийслэлийн 2020 оны төсөвт нийслэлийн орон сууцны хөтөлбөрийн зардлын гүйцэтгэлээр шийдвэрлэсэн юм. Дээрх байрнуудыг нийслэлийн өмчид бүртгэж авах шийдвэрийг Нийслэлийн ИТХ-ын Тэргүүлэгчид өнөөдрийн хуралдаанаараа гаргалаа.
Баянзүрх дүүргийн VIII хорооны нутаг дахь, 50-52 ам метр талбай бүхий 23 айлын орон сууцыг “Баганат өргөө” ХХК, Чингэлтэй дүүргийн Х хорооны нутаг дахь 41-55 ам метр талбай бүхий 24 айлын орон сууцны барилгыг “Бармон” ХХК барьж, өнгөрсөн онд ашиглалтад оруулсан юм. Дээрх орон сууцуудыг Нийслэлийн Орон сууцны корпорацаас нутгийн захиргааны байгууллагын ажилтнуудад түрээслээд өмчлөх хэлбэрээр олгохоор болжээ.

Нийслэлийн ИТХ-ын ХМОНХТ

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

Share post:

Онцлох мэдээ

Сүхбаатарын талбай дээр 3333 сурагч “Тусгаар тогтнол” шүлгийг уншлаа

 А.Баяр: Зүрх сэтгэлээсээ эх орноо хөгжүүлнэ гэсэн үзэлтэй бодолтой,...

“20 минутын хот” Үндэсний хорооны IV хуралдаан боллоо

"20 минутын хот" Үндэсний хорооны ээлжит IV хуралдаан 2025...

Бээжингийн зүрхэн дэх эртний хот

БНХАУ-ын нийслэл Бээжин хотын төв цэг эртний барилга байгууламж,...

2026 оныг “Боловсролыг дэмжих жил” болгон зарлалаа

2026 оныг “Боловсролыг дэмжих жил”-ээр зарлах Засгийн газрын тогтоол...