Saturday, November 21, 2026

Чингис хааны эш хөрөг, Монголын нууц товчоонд хүндэтгэл үзүүлж, нийслэлийн сүлдэт хуурыг цэнгүүллээ

Date:

Нийслэл Улаанбаатар хот үүсэн байгуулагдсаны түүхт 387 жилийн ой “Нийслэлийн өдөр”-ийг тохиолдуулан Эзэн богд Чингис хааны эш хөрөг, Монголын нууц товчоонд хүндэтгэл үзүүлж, нийслэлийн сүлдэт хуурыг цэнгүүлэх хүндэтгэлийн ёслол боллоо. 1639 онд Өндөр гэгээн Занабазарыг Халх Монголын шарын шашны тэргүүнд өргөмжлөн “Өргөө” байгуулснаар Монгол Улсын нийслэлийн үүслийг тавьсан түүхтэй. Ийнхүү жил бүрийн аравдугаар сарын 29-ний “Нийслэлийн өдөр”-өөр үндэсний өв соёлоороо бахархах, түүхэн ой санамжаа бэхжүүлэх ёслол хүндэтгэлийн арга хэмжээг зохион байгуулдаг уламжлалтай.

Нийслэлийн Засаг дарга бөгөөд Улаанбаатар хотын Захирагч Б.Пүрэвдагва “Монгол Улсын нийслэл Улаанбаатар хот үүсэн байгуулагдсаны 387 жилийн ойн баярын мэндийг өргөн дэвшүүлье. Өнөөгийн Улаанбаатар хотын үүсэл хөгжил нь Монголын төр, шашин, соёлын түүхэнд гүн мөрөө үлдээсэн Өндөр гэгээн Занабазарын өргөөтэй салшгүй холбоотой. Өндөр гэгээн Занабазарын түүхэн үйл хэрэг, урлаг, соёлд оруулсан үнэтэй хувь нэмэр нь монголчуудын оюун санаа, үндэсний өв соёлын салшгүй хэсэг бөгөөд бидний бахархал, хойч үедээ өвлүүлэн үлдээх эрхэм нандин өв юм. Өнөөдрийн Улаанбаатар хот бол Монгол Улсын улс төр, эдийн засаг, нийгэм, соёл, боловсролын төв төдийгүй улс орны хөгжил дэвшлийг түүчээлэн манлайлж буй их хот билээ. Бид хотынхоо ирээдүйг бүтээн байгуулахын зэрэгцээ өвөг дээдсээс уламжлан ирсэн түүх, соёлын өвөө хадгалан хамгаалж, орчин цагийн хөгжилтэй уялдуулан хойч үедээ өвлүүлэх эрхэм үүрэгтэй. Энэ удаагийн ойгоор Эзэн богд Чингис хааны эш хөрөг, монголчуудын түүхэн ой санамж, хэл соёл, үндэсний ухамсар, оюун санааны үнэт өв болсон Монголын нууц товчоонд хүндэтгэл үзүүлж, монгол түмний сэтгэл зүрх, нүүдэлчин ахуй, үндэсний бахархлыг аялгуу эгшгээрээ илэрхийлдэг нийслэлийн сүлдэт морин хуураа цэнгүүлж байна” гэв.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

Share post:

Онцлох мэдээ

Монгол Улсын Ерөнхийлөгчийг үүрэгт ажлаас нь чөлөөлөв

Монгол Улсын Ерөнхийлөгчийг хүсэлтийнх нь дагуу үүрэгт ажлаас нь...

Монгол Улсын Ерөнхийлөгчийн үүрэгт ажлаасаа өөрийн хүсэлтээр чөлөөлөгдөх үеэрээ хэлсэн үг

Монгол Улсын Ерөнхийлөгч Ухнаагийн Хүрэлсүх төрийн тэргүүн рүү чиглэсэн...

Хөрөнгө хураах тухай хуулийн төслийг УИХ-д өргөн барина

Монгол Улсын Ерөнхий сайд Н.Учрал өнөөдөр хэвлэл мэдээллийнхэнд хийсэн...

Эгийн голын УЦС төслийг байгаль орчинд сөрөг нөлөөгүй хэрэгжүүлэх боломжтой гэсэн урьчилсан дүгнэлт гарчээ

Монгол, Оросын эрдэмтдийн хамтарсан судалгаагаар Эгийн голын усан цахилгаан...