Saturday, November 21, 2026

Улаанбаатар БНХАУ-ын ӨМӨЗО-ны Хөх хот хамтын ажиллагаагаа шинэ шатанд гаргана

Date:

Нийслэлийн Засаг дарга бөгөөд Улаанбаатар хотын Захирагч Б.Пүрэвдагва Улаанбаатар, БНХАУ-ын ӨМӨЗО-ны Хөх хот ах дүү хотын найрамдалт харилцаа тогтоосны 35 жилийн ойн арга хэмжээний нээлт болон эдийн засгийн танилцуулга уулзалтад үг хэллээ.

Нийслэлийн Засаг дарга бөгөөд Улаанбаатар хотын Захирагч Б.Пүрэвдагва “1991 онд эхлэлээ тавьсан манай хоёр хотын ах дүүгийн найрсаг харилцаа өнөөдөр 35 жилийн түүхэн замналыг туулжээ. Энэ хугацаанд хоёр хот харилцан айлчлал, эдийн засаг, худалдаа, хот байгуулалт, боловсрол, эрүүл мэнд, соёл, аялал жуулчлал зэрэг салбарт хамтын ажиллагаагаа хөгжүүлж ирсэн. Энэхүү харилцаа нь зөвхөн хоёр хотын удирдлага, байгууллагуудын хамтын ажиллагаагаар хязгаарлагдахгүй, харин хоёр хотын иргэдийн харилцан ойлголцол, нөхөрлөл, итгэлцлийг бэхжүүлэх гүүр болж байна. Хоёр хотын хамтын ажиллагааг бодит үр дүнгээр баяжуулах нэгэн чухал жишээ нь Улаанбаатар хотын эрүүл мэндийн салбарт хавдрын оношилгооны иж бүрэн тоног төхөөрөмж бэлэглэхээр болсон. Энэхүү санаачилга нь эрүүл мэндийн салбарын хамтын ажиллагааг өргөжүүлэхийн зэрэгцээ иргэдийн эрүүл мэнд, амьдралын чанарыг сайжруулахад чиглэсэн бодитой алхам” гэдгийг онцлов.

Хоёр хотын хамтын ажиллагааг дараах үндсэн чиглэлээр өргөжүүлнэ.

  • Нэгдүгээрт, хот байгуулалт, дэд бүтцийн салбарт хот төлөвлөлт, нийтийн тээвэр, инженерийн дэд бүтцийн шийдлүүдээр туршлага солилцож, иргэдийн ая тухтай, аюулгүй амьдрах орчныг бүрдүүлэхэд хамтран ажиллана.
  • Хоёрдугаарт, ногоон хөгжил, байгаль орчны салбарт ногоон байгууламжийг нэмэгдүүлэх, хог хаягдлын менежментийг боловсронгуй болгох, агаарын бохирдлыг бууруулах чиглэлээр үр дүнтэй арга туршлага нэвтрүүлнэ. 
  • Гуравдугаарт, эрүүл мэндийн салбарт эмнэлгийн тусламж, үйлчилгээний чанар, хүртээмжийг дээшлүүлэх, оношилгоо, эмчилгээний технологи болон эмнэлгийн тоног төхөөрөмжийн чиглэлээр хамтын ажиллагааг хөгжүүлнэ. 
  • Дөрөвдүгээрт, боловсрол, соёл, аялал жуулчлалын салбарт сургууль, их, дээд сургууль, соёлын байгууллагуудын хамтын ажиллагааг нэмэгдүүлж, иргэд, залуучуудын харилцан солилцоо, аялал жуулчлалыг дэмжинэ. 
  • Тавдугаарт, эдийн засаг, худалдаа, хөрөнгө оруулалтын салбарт хоёр хотын аж ахуйн нэгж, бизнес эрхлэгчдийн харилцааг өргөжүүлж, харилцан ашигтай хамтын ажиллагааны шинэ боломжуудыг нээнэ. Эдгээр чиглэлээр хамтран ажиллахдаа харилцан ашигтай, бодит үр дүнд чиглэсэн, хоёр хотын иргэдийн амьдралын чанарт эерэг нөлөө үзүүлэхүйц төсөл, хөтөлбөрүүдэд онцгой анхаарах юм.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

Share post:

Онцлох мэдээ

Монгол Улсын Ерөнхийлөгчийг үүрэгт ажлаас нь чөлөөлөв

Монгол Улсын Ерөнхийлөгчийг хүсэлтийнх нь дагуу үүрэгт ажлаас нь...

Монгол Улсын Ерөнхийлөгчийн үүрэгт ажлаасаа өөрийн хүсэлтээр чөлөөлөгдөх үеэрээ хэлсэн үг

Монгол Улсын Ерөнхийлөгч Ухнаагийн Хүрэлсүх төрийн тэргүүн рүү чиглэсэн...

Хөрөнгө хураах тухай хуулийн төслийг УИХ-д өргөн барина

Монгол Улсын Ерөнхий сайд Н.Учрал өнөөдөр хэвлэл мэдээллийнхэнд хийсэн...

Эгийн голын УЦС төслийг байгаль орчинд сөрөг нөлөөгүй хэрэгжүүлэх боломжтой гэсэн урьчилсан дүгнэлт гарчээ

Монгол, Оросын эрдэмтдийн хамтарсан судалгаагаар Эгийн голын усан цахилгаан...