“Ялагчдын цуваа-2021” Олон улсын Моно жүжгийн уралдаант фестивал 6 дахь жилдээ амжилттай зохион байгуулагдаж өндөрлөжээ. Тус фестивалийн ялагч, Гранпри шагналын эзнээр Монгол Улсаа төлөөлөн оролцсон Төв аймгийн “Монгол туургатан” театрын жүжигчин МУСТА Р.Янжиндулам тодорсон байна. Тэрбээр уг фестивальд “Би хэн бэ” жүжгээр оролцжээ. Тус фестивалийн хоёрдугаар шатны шалгаруулалт зургадугаар сарын 21-24 ний өдрүүдэд болж найман улсын есөн бүтээл өрсөлдсөн байна.
“Ялагчдын цуваа-2021” фестивал нь хоёр үе шаттайгаар зохион байгуулагдсан бөгөөд нэгдүгээр шатанд Монгол Улсын 8 жүжигчид өрсөлдөн Монгол Улсаа төлөөлөн Олон улсын фестивальд оролцох эрхийг Төв аймгийн “Монгол туурган” театрын жүжигчин МУСТА Р.Янжиндулам, “Black box” театрын жүжигчин Г.Мөнхжаргал авч, хоёрдугаар шатандаа шалгарсан ажээ.
