Зам, тээврийн хөгжлийн яам “Хашаагүй Улаанбаатар” санаачлагыг дэмжиж зөв манлайлал үзүүлэхээр яамны гадаах хашаагаа буулган улмаар унадаг дугуйн зогсоол, цахилгаан машин цэнэглэхэд зориулсан нарны зай суурилуулсан билээ.
Мөн явган хүний замаа өргөтгөж, ногоон байгууламж барих ажлыг эхлүүлээд байгаа бөгөөд ойр хавийн байгууллагуудад гадаах хашаагаа буулгаж орчин тойрноо цэвэр цэмцгэр, ногоон орчин бий болгоход анхаарал хандуулахыг уриалаад буй.
Яамны залуучуудын зүгээс санаачлан ажилтан, албан хаагчдынхаа идэвхи зүтгэл, мэдлэг, ур чадвар, арга барилыг дээшлүүлэхэд туслах зорилгоор дотоод нөөц бололцоог ашиглан хурал, зөвлөгөөн хийх, гадна дотнын зочидтой ажил хэргийн уулзалт хийх зориулттай интернэт сүлжээ бүхий тусгай өрөө гаргасан ба өмнө нь хогийн цэг байсан талбайг тохижуулан өглөөний болон үдийн цай, кофе уух, түр амрах сүүдрэвчийг яамны гадаа барьж тохижуулжээ.
ЗАМ, ТЭЭВРИЙН ХӨГЖЛИЙН ЯАМ
