ШШГЕГ-ын харьяа хорих ангиудад хоригдож буй ялтнуудын дунд өнгөрсөн сарын эхээр “Ковид-19”-ийн халдвар гарсан. Өнөөдрийн байдлаар нийт 345 хоригдогчоос халдвар илэрснээс 282 нь эдгэрч, 63 хоригдол эмчлэгдэж байгаа ажээ. Мөн Зөрчлийн тухай хуулиар баривчлах шийтгэл авч баривчлагдсан 126 хүнээс халдвар илэрсэн бөгөөд эдгээр хүн бүгд эдгэрсэн байна. Түүнчлэн хорих ангиудын 26 алба хаагч халдвар авч, эмчлэгдэж байгаа ажээ.
ШШГЕГ нийт 2669 хүн буюу нийт алба хаагчдынхаа 91 хувийн дархлаажуулалтад хамруулан нэг, хоёрдугаар тунг нь бүрэн хийлгэжээ. Харин хоригдол, хоригдогсдын 99.4 хувийг нэгдүгээр тунд, 51.6 хувийг хоёрдугаар тунд хамруулаад байгаа гэнэ.
