Японы мэргэжлийн сүмогийн тавдугаар сарын башё Токио хотноо дөрөв дэх өдрөө үргэлжиллээ. Өнөөдрийн барилдаан озэки цолоо эргүүлэн аваад буй Тэрүнофүжи Г.Ган-Эрдэнийн ялалтаар өндөрлөв. Тэрбээр зүүн жигүүрийн комүсүби Митакэүмиг давснаар ёрикири мэхээр төвөггүйхэн давж дөрвөн даваатайгаар тэмцээнийг ганцаар хошуучилж эхлэв. Түүний араас озэки Такакэйшо, Шодай тэргүүтэй 14 бөх гурван даваа, нэг унаатай нэхэж буй юм. Тэдний дунд маэгаширагийн зүүн жигүүрийн зургаад эрэмбэлэгдсэн Ичиножо А.Ичинноров, маэгаширагийн зүүн жигүүрийн 10-аас босож барилдаж буй Тамаваши Б.Мөнх-Оргил нар буй юм.
Дээд зиндаанд барилдаж буй монгол сүмочдоос Хоошорюү С.Бямбасүрэн, Кирибаяма Б.Лхагвасүрэн нар өнөөдөр хоорондоо оноолт тааран барилдаж Кирибаяма давжээ. Ингэснээр тэд хэн хэн нь нэг даваа, гурван унаатай болоод буй юм. Харин Чиёошома Г.Мөнхсайхан өнөөдөр учраагаа давснаар даваа, унаа тэнцүү болоодп байна.
