Соул дууны хатан хаан гэгддэг Арета Франклины амьдралын тухай өгүүлэх “Хүндлэл” нэртэй баримтат кино бүтээгдэж буй билээ. Саяхан болсон BET наадам дээр киноны анхны трейлерийг цацсан бөгөөд түүний дүрийг амилуулсан Женнифер Хадсон үзэгчдээс сайн үнэлгээ аваад байна.
Уг кино нь өнгөрсөн дөрөвдүгээр сард олны хүртээл болохоор төлөвлөгдсөн байсан боловч коронавирусын тархалтаас шалтгаалан хойшилсон. Одоогоор АНУ-д Зул сарын баяраар хязгаарлагдмал хүрээнд нээлтээ хийж, нэгдүгээр сарын 15-ны дотор бүрэн хэмжээний нээлт хийх тов гарсан ажээ.
Арета Франклин амьдралынхаа туршид 44 удаа Гремми шагналд нэр дэвшиж 18 шагналын эзэн болж байсан бөгөөд харамсалтай нь 2018 онд нойр булчирхайн хорт хавдрын улмаас таалал төгссөн юм.
