Хүчтэй аадар бороо орсны улмаас авто зам, замын байгууламжууд үерт автаж эвдэрсэн тул иргэдийн амь нас, эрүүл мэнд, эд хөрөнгийг болзошгүй гамшгаас урьдчилан сэргийлэх зорилгоор УБ-Мандалговь, УБ-Өндөрхаан, УБ-Чойр чиглэлийн автозамын байгууламжийг өнөөдрийн 15 цаг хүртэл хүртэл түр хааж, авто тээврийн хөдөлгөөнийг зогсоогоод байсан юм. Зам тээврийн хөгжлийн яам, Авто тээврийн үндэсний төвөөс түргэн шуурхай арга хэмжээ авч, сэргээн засварлаж, зорчих хэсгийг чөлөөлөн хөдөлгөөний аюулгүй байдлыг хангасан тул авто тээврийн хөдөлгөөнийг хэвийн үргэлжлүүлж эхэлжээ. Тиймээс авто зам, замын байгууламжийг түр хаах тухай Зам, тээврийн хөгжлийн сайдын 2020 оны зургаадугаар сарын 22-ны өдрийн А/106 дугаар тушаалыг цуцалсан байна.
