Өнгөрсөн жилийн наадмын түрүү бөх, улсын аварга Э.Оюунболдын шүүх хурал Нийслэл дэх Захиргааны хэргийн Анхан шатны шүүх дээр эхэлжээ. Өмнө нь хоёр ч удаа хүндэтгэн үзэх шалтгааны улмаас хойшилсон энэхүү шуух хуралд өнөөдөр Э.Оюунболд өөрийн биеэр оролцох хүсэлт гаргасан ч ирээгүй байна. Тэрбээр өнгөрсөн зургаадугаар сарын 03-ны шүүх хуралд өөрийн биеэр оролцолгүй өмгөөлөгчөө оролцуулсан юм. Гэвч түүний өмгөөлөгч “Нэхэмжлэгч Э.Оюунболд өөрийн биеэр оролцох хүсэлтэй” гэдгээ илэрхийлснээр шүүх хурал хойшилсон.
Үйл явдлыг эргэн сануулбал, өнгөрөгч дөрөвдүгээр сарын 22-ны өдөр Нийслэл дэх Захиргааны хэргийн Анхан шатны шүүхийн зүгээс “Баяр Наадмын зохион байгуулах хорооны 2019 оны аравдугаар сарын 24-ний өдрийн 8-р тогтоол, сэргээшийн маргаан шийдвэрлэсэн Э.Оюунболдод холбогдох хэргийг хэрэгсэхгүй болгох гэсэн нэхэмжлэлийн шаардлага ирүүлсэн. Энэ шаардлагын дагуу шүүх урьдчилсан хэлэлцүүлэг явуулах явцад хариуцагч талаас Э.Оюунболдод унасан найман бөхийн (Аймгийн арслан Н.Мустафа, Улсын начин Б. Цэдэнсодном, Улсын харцага Д. Анар, Улсын арслан Ц.Содномдорж, Улсын аварга Н.Батсуурь) эрх нь зөрчигдсөн учир тэдгээрийг татан оролцуулах, мөн Э.Оюунболдын наадмын галд допингийн эсрэг төвөөс допингийн сурталчилгаа хийсэн эсэхийг тогтоож өгөөч” гэсэн хүсэлт ирүүлсэн тухай мэдэгдсэн юм.
Эдгээр хүсэлтийг нь шүүхээс хянан, хэлэлцээд, актын биелэлтийг хэрэг хянан шийдвэрлэх хугацаа дуустал түр түдгэлзүүлэхээр шийдвэрлэсэн. Өөрөөр хэлбэл, Баяр наадам зохион байгуулах хорооны тогтоолтой холбоотойгоор гаргасан маргааныг түр хойшлуулсан юм.
