ШУА болон тус академийн нэрийг барьж бусдаас мөнгө залилахыг завдсан тохиолдол цөөнгүй гарчээ. Тодруулбал, “ШУА-ийн харьяа Үндэсний хөгжлийн хүрээлэнгээс таныг шагналд тодорхойлж байна. Та ………….. банкны дансанд 98000 төгрөгийг шилжүүлнэ үү” хэмээн иргэд рүү утсаар ярих тохиолдолд удаа дараа гарч байгаа аж. Энэ бол худал ташаа мэдээлэл бөгөөд залилангийн шинжтэй үйлдэл юм. Монгол Улсын ШУА-ийн харьяанд Үндэсний хөгжлийн хүрээлэн нэртэй байгууллага огт байхгүй болохыг ШУА-иас албан ёсоор мэдэгджээ.
Тиймээс Цагдаагийн ерөнхий газраас олон нийтэд уриалж буй “Ятгах тусам нягтал” уриаг санаж санхүүгийн залилан, луйвраас өөрийгөө, ойр дотны хүмүүсээ хамгаалахыг ШУА-иас уриалжээ.
