~Гадаадын хэвлэлд
–“Covid-19”-ийн эсрэг хамгийн шилдэг хариуг Монгол Улс хийж байна–
Монгол Улс коронавируст халдвараас урьдчилан сэргийлэх, халдвартай иргэдээ эмчилж анагаах болон гадаадын улс орнуудаас иргэдээ тусгай үүргийн онгоцоор авчрах талаар зохион байгуулалт сайтай, оновчтой, зөв бодлого, үйл ажиллагаа явуулж байгааг гадаадын хэвлэлүүдэд магтан бичсээр байна. Тухайлбал, medium.com сайтад Монгол Улс “COVID-19”-ийн эсрэг ямар арга хэмжээ авч байгааг дэлгэрэнгүй тоймложээ.
Тус сайтад, “Дэлхий дээрх “COVID-19”-ийн эсрэг хамгийн шилдэг хариу үйлдэл хийж буй улс бол Монгол. Тус улсад “COVID-19”-өөр нас барсан нэг ч хүн байхгүйгээс гадна дотооддоо вирусийн халдвар алдагдаагүй байна. Энэ нь зүгээр ч нэг аз биш юм. Нэгдүгээр сараас эхлэн Монгол Улс иргэдийнхээ эрүүл мэндийг хамгаалах, коронавирусийн халдвар тархахаас сэргийлэх ажлыг амжилттай зохион байгуулсан. Хэн ч Монголын жишээг ярихгүй, оронд нь бүтэлгүйдлүүдийг буюу Герман, Шведийг л ярьж байна. Та бүхэн монголчууд коронавирусийн эсрэг ямар арга хэмжээ авч, тэдгээр арга хэмжээ нь хэр үр дүнтэй байгааг харж мэдэх юм бол над шиг л гайхашрах болно. Монгол Улсын төр, засгийн зүгээс коронавирусийн халдварыг эсрэг хийсэн хариу үйлдэл гайхалтай байснаас гадна үүнд 30 мянган хонь ч оролцсон” гэжээ.
Эх сурвалж: medium.com
