Монгол Улсад бүртгэгдсэн коронавирусийн анхны халдвар франц иргэнээс илэрсэн билээ. Франц иргэний бүх шинжилгээ эрүүл гарч өнөөдөр дараагийн шатны хяналтад шилжиж байгаа ажээ. Тэрбээр 47 хоног эмчлүүлсний эцэст бүрэн эдгэрч, “Энхсаран” сувилалд тусгаарлагдан сувилуулахаар болжээ. Монгол эмч, эмнэлгийн ажилчид коронавирусийг бүрэн анагааж эмилж чадсан нь бахархалтай. Франц иргэний хувьд анх биеийн байдал нь хүнд ирээд ХӨСҮТ-д эмчилгээнд орсон юм.
ХӨСҮТ-ын захирал Д.Нямхү “Франц улс өөрийнхөө иргэнийг харна, үүнийг дагаад дэлхий биднийг харна. Дэлхийн аль ч улс оронд монгол хүн өвдөх эрсдэл өндөр байгаа учраас бид бас жишиг болголоо. Энэ хүнийг эмчилж, эдгээж сайхан хандсаны хариуг бусад улсууд манай иргэдэд барих байх гэж бодож байна. Бид уушгины нэвчдсийг шимэгдүүлэх, цусан дахь хүчилтөрөгчийн хэмжээ хэвийн байгааг онцгой анхаарч ажилладаг. Энэ шинжилгээг өдөр болгон хийж явсны үр дүнд франц иргэн эдгэрч гарлаа” хэмээн ЭМЯ-ны ээлжит мэдээллийн үеэр ярилаа.
