“Хил хязгааргүй сэтгүүлчид” олон улсын байгууллагаас дэлхийн 2020 оны хэвлэлийн эрх чөлөөний индексийг зарлажээ. Жил бүр гаргадаг энэхүү индексийг энэ жил уламжлал ёсоор Норвеги. Финлянд, Дани, Швед, Нидерланд улсууд тэргүүлсэн бол БНХАУ, Эритрей, Туркменстан, БНАСАУ сүүл мушгисан байна.
Монгол Улс хэвлэлийн эрх чөлөөний индексээр 180 орноос 73 дугаарт бичигдсэн нь өмнөх жилээс гурван байраар ухарсан үзүүлэлт юм.
Дэлхий даяар хэвлэл мэдээллийн эрх чөлөөний түвшинг хэмждэг “Хил хязгааргүй сэтгүүлчид” байгууллагын индекс 2020 онд өмнөх оноос бага зэрэг буюу 0.9 хувиар сайжирсан байна. Гэсэн хэдий ч энэ нь 2013 оны индекстэй харьцуулахад 12 хувиар буурсан үзүүлэлт юм. Хэвлэлийн эрх чөлөөний газрын зураг дээрх цагаан өнгөтэй өөрөөр хэлбэл хэвлэлийн эрх чөлөөг сайтар хангасан улс орнуудын эзлэх хувь өөрчлөгдөөгүй 8 хувь хэвээрээ байгаа бол “маш муу” гэсэн утгатай хар өнгөтэй улсууд 13 хувь болж хоёр функтээр өссөн байна.
Дэлхийн улс орнуудын хэвлэлийн эрх чөлөөнд цар тахлын тархалт сөргөөр нөлөөлж байгаа бөгөөд улс орны засгийн газруудп цар тахлын хөл хориотой холбоотойгоор хэвлэл мэдээлэлд хяналт, цензур тавих, хэвлэлийн эрх чөлөөг хаан боогдуулах тохиолдпол их гарч байгаа ажээ. Тиймээс нийгмийн эрүүл мэндийн хямрал авторитар дэглэмд боломж олгодог гэдгийг “Хил хязгааргүй сэтгүүлчид” байгууллага онцолжээ.
