Улсын онцгой комиссын 17 дугаар хуралдааны шийдвэрийн дагуу БНХАУ-ын ӨМӨЗО-ы Эрээн хотоос 55 монгол иргэнийг Замын-Үүд боомтоор хил нэвтрүүлжээ. Эдгээр иргэдийн 26 нь эрэгтэй, 29 нь эмэгтэй юм байна. Тухайлбал, 0-5 насны хүүхэд 5, 5-18 насны 2, 18-30 насны 20, 30-45 насны 21, 50-иас дээш насны 8, өндөр настан, жирэмсэн тус бүр 1 хүн байна. Ийнхүү гуравдагч орон, БНХАУ-ын бусад муж, хотоос ирсэн болон Эрээн хотод байсан иргэдийг 14 хоног тусгаарлаж, урьдчилан сэргийлэх үзлэгт тухай бүр нь хамруулсан.
Иргэдийг Дорноговь аймгийн Замын-Үүд суманд 21 хоног тусгаарлана гэж Улсын онцгой комиссын Шуурхай штабаас мэдээллээ.
