ЭМЯ-ны албан ёсны сайтад байршуулсан COVID-19-ийн халдварын тандалт, шинжилгээний сүүлийн үеийн БНХАУ-ын профессор Жан Вэньхун коронавируст халдварын тархалтад үндэсний онцлог хамааралгүй болохыг судалгаагаар тогтоосныг онцолж, хөл хорио тогтоох, урьдчилан сэргийлэх арга хэмжээний байдлаас шалтгаалан тархалт улс орнуудад харилцан адилгүй байгааг тэмдэглэсэн байна.
Сүүлийн үед залуучууд халдвар авах тохиолдол өсөх хандлагатай байгаа бөгөөд хөл хориог үл тоон нийгмийн харилцаанд олноор орж байгаа нь халдварын тархалтыг нэмэгдүүлж байгааг профессор онцолжээ. БНХАУ, АНУ-ын эрдэмтдийн судалгаагаар коронавируст халдвараар өвчилж эдгэрсэн залуучуудын давтан шинжилгээний хариу эерэг гарах явдал түлхүү ажиглагдсан байна. Тодруулбал, эмчилгээний дараах давтан шинжилгээний хариу эерэг гарсан 38 хүний нэг нь л 60 настай хүн байсан бол долоо нь 14-өөс доош насны хүүхдүүд байжээ.
БНХАУ-ын эрдэмтэд коронавируст халдварын талаар дараах дүгнэлтийг хийжээ. Үүнд:
-COVID-19 хүнээс хүнд халдварлахаас гадна хүнээс амьтанд, улмаар амьтнаас амьтанд халдварласнаар дэлхий нийтэд томоохон хохирол учруулах бөгөөд үүнтэй тэмцэхэд ихээхэн хугацаа шаардах болно.
-Коронавируст халдвар БНХАУ-аас бусад улсад хүчтэй дэгдэж байгаа тул энэ оны 6-р сар гэхэд тархалтыг тогтоон барих боломжгүй болох төлөвтэй байна.
