Өнөөдрийн байдлаар коронавирусийн халдварын тохиолдлын тоо буурчээ. Коронавирусийн дэгдэлтийн төв болох Хубэй мужид өнөөдөр 349 шинэ тохиолдол бүртгэгдсэн нь БНХАУ-д 2020 он гарсаар албан ёсоор бүртгэгдсэн хамгийн бага тоо юм. Хэдийгээр шинээр халдвар авсан тохиолдол эрс багассан ч эндэгдлийн тоо хэвээрээ байна.
Дэлхий даяар халдвар авсан хүмүүсийн тоо 75,600 гаруй байгаа бөгөөд одоогийн байдлаар 2,126 хүн вирусын улмаас нас барсан гэсэн тоо баримт байна.
“Diamond Princess” хөлөг онгоцны 624 зорчигч вирусийн халдвар авсан нь тогтоогдсон бөгөөд хөлөгт тавьсан хөл хорионы хугацаа дуусч зорчигчдыг буулгаж эхэлжээ. Харамсалтай нь хоёр зорчигч коронавирусийн халдварын улмаас нас баржээ.
