ОХУ-ын Ерөнхийлөгч Владимир Путин Киргизид хийсэн айлчлалаа дуусгахаас өмнө хэвлэлийн бага хурал хийв.
Украины асуудлаарх хэлэлцээний үйл явцын өнөөгийн байдлын талаар В.Путин хэлэхдээ аливаа хэлэлцээ бодит агуулгатай байх ёстой, хэлэлцээний үйл явц одоогоор зогсонги байдалд байгааг мэдэгдэв. Тэрээр мөн АНУ-ын Ерөнхийлөгчийн тусгай элч Стив Виткофф, Ерөнхийлөгчийн хүргэн Жаред Кушнер нарыг Орос улс үргэлж таатай хүлээн авдаг бөгөөд Оросын тал тэдэнтэй хамтран ажиллахад таатай байдгийг мэдэгдлээ.
Фронтын шугамын нөхцөл байдлын талаар В.Путин хэлэхдээ, Оросын хүчин Украины эрчим хүчний байгууламжуудад томоохон хэмжээний цохилт өгөхөөр бэлтгэх зааварчилгаа авсан юм. “Тэд манай үйлдвэрүүдэд цохилт өгсөн, бид хариу арга хэмжээ авна” гэж мэдэгдэв.
АНУ-ын Тагнуулын төв газрын дарга саяхан Москвад хийсэн айлчлалын талаар В.Путин хэлэхдээ, Орос, АНУ-ын тагнуулын байгууллагуудын хоорондын харилцаа холбоо байнга үргэлжилж ирсэн бөгөөд хүйтэн дайны хамгийн хүнд үед ч тасалдаж байгаагүй гэжээ.
