Засгийн газрын Хөдөөгийн сэргэлт бодлогын хүрээнд залуус хөдөө орон нутагт ажиллаж амьдрах нь нэмэгдсэн. Хөдөө бизнес хийж, мал аж ахуй эрхэлж, эрүүл, тав тухтай орчинд аж төрөх боломжтой. Яг үүн шиг БНХАУ-ын ӨМӨЗО-д ч залуус хөдөө гарч аж төрөх тохиолдол цөөнгүй байдаг юм байна. Тэдний нэг нь ӨМӨЗО-ны Хөлөнбуйр хотын Шинэ барга хошууны Ар хашаат сумын Түмэнжаргал багийн малчин Баянжаргал эрчимжсэн мал аж ахуй эрхэлж, үхэр үржүүлж байгаа аж. Тэрбээр мэргэжлийн бүжигчин бөгөөд “Улаан мөчир” чуулгад ажиллаж байгаад хөдөө гарч малчин болжээ.
