БНХАУ-ын Хүбэй мужид шалтгаан нь үл мэдэгдэх уушгины хатгалгааны халдвар гарсны дараа тус улсын Эрүүл мэндийн үндэсний зөвлөл Хүбэй муж, Ухань хотын удирдлагуудтай хамтран халдварын дэгдэлтийг тогтоон барих, сэргийлэх арга хэмжээг яаралтай авч хэрэгжүүлж байгаа ажээ. 2020 оны нэгдүгээр сарын 8-нд, шинэ хэлбэрийн коронавирус энэ удаагийн халдварын эх үүсвэр гэдгийг эхний шатанд нотолсон байна. БНХАУ-ын Эрүүл мэндийн үндэсний зөвлөл бүх Хятадын олон мужид ажлын хэсэг томилж, халдвараас сэргийлэх ажлыг удирдаж байгаа юм байна. Мөн олон улсын хамтын ажиллагаа, харилцааг нэмэгдүүлж, ДЭМБ-тай шинэ хэлбэрийн коронавирусны генийн дарааллын бүтцийг цаг тухайд нь хуваалцсан бөгөөд халдвартай тэмцэж буй ажлыг ДЭМБ сайшаан дэмжжээ.
Өдгөө вирусийн халдварыг тогтоон барьж, сэргийлж болохуйц хүрээнд байна гэж мэргэжилтнүүд үзэж байна. Гэхдээ шинэ хэлбэрийн коронавирусын халдварын эх үүсвэр хараахан олдоогүй, вирусын халдварлах замыг бүрмөсөн мэдэж чадаагүй, вирусийн өөрчлөлтөд нягт хяналт тавих шаардлагатай байгаа юм.
