Ираны Цэргийн атташе болон Аюулгүй байдлын асуудал хариуцсан атташег нэг хоногийн дотор Катарыг орхин гарахыг тус улсын Гадаад хэргийн яам үүрэг болгожээ.
“Элчин сайдын яамны Цэргийн атташе, Аюулгүй байдлын албаны атташе болон дипломат ажилтнуудыг тааламжгүй этгээд гэж зарласан бөгөөд тэднийг 24 цагийн дотор манай улсын нутаг дэвсгэрийг орхин гарахыг шаардаж байна” хэмээн Катарын Гадаад хэргийн яам мэдэгджээ.
Ийнхүү Ираны дипломатчдыг хөөх болсон нь газрын тос, хийн объектууд байрладаг Рас-Лаффан үйлдвэрлэлийн төвд Иран цохилт өгсөнтэй холбоотой аж.
Эх сурвалж: ВВС
