Хэнтий аймгийн Ардчилсан нам орон нутгийн 2024 оны сонгуулиар ялалт байгуулснаар эрх баригч намын 8 жил дараалсан ноёрхлыг зогсоон, ардчиллын тугийг өндөрт мандуулсан билээ.
Хэнтий аймгийн Ардчилсан нам 18 сумдын 9-д нь ялалт байгуулаад зогсохгүй аймгийн 18 сумын 89 багийн Иргэдийн нийтийн хурлын дарга нарын 43-д, багийн Засаг дарга нарын 40-д нь Ардчилсан намын гишүүд сонгогдсон амжилтыг үзүүлээд байна.
Хэнтий аймгийн Ардчилсан нам нийт гишүүдийн “Зуны цугларалт” арга хэмжээг 30 жил тасралтгүй зохион байгуулж ирсэн бөгөөд 2025 онд Олон улсын Ардчиллын өдөрт зориулсан зүүн бүсийн нэгдсэн арга хэмжээг Чингис хотноо амжилттай зохион байгуулсан нь дунд шатны намуудад харилцан туршлага судлах боломжийгбүрдүүлсэн үр дүнтэй чуулга уулзалт болжээ.
Хэнтий аймгийн Ардчилсан нам ялалтаа баталгаажуулж, ардчиллын зарчим, үнэт зүйлсийг түгээн дэлгэрүүлэхийн төлөө тасралтгүй ажиллаж, гишүүд дэмжигчдийн дунд олон үр дүнтэй арга хэмжээг зохион байгуулж байгаагийн зэрэгцээ олон зуун залуучуудаар ардчилсан намын хүрээг тэлж, намынхаа олон арван залуучуудын боловсролыг дээшлүүлэх урт, дунд, богино хугацааны хөтөлбөрүүдийг хэрэгжүүлж ирсэн туршлагыг дүгнэн Оны онцлох намын байгууллагаар тодруулжээ.
