Үндэсний аюулгүй байдлын зөвлөлийн гишүүд тэтгэврийн зээлийг нэг удаа тэглэх асуудлаар санал нэгдсэн гэдгийг Ерөнхийлөгч шинэ жилийн мэндчилгээндээ дурдсан нь олны анхаарлыг татаад байна. Төрийн тэргүүний энэ мэдэгдлийн дараа Монголбанкны Ерөнхийлөгч Б.Лхагвасүрэн 2020 оны нэгдүгээр сарын 02-ны өдрийн тушаалаар энэ сарын 1-ний өдрөөс эхлэн “тэтгэврийн зээл нэмж олгох”-ыг зогсоох арга хэмжээг авч хэрэгжүүлэхийг бүх арилжааны банкуудад мэдэгджээ.
2019 оны сүүлийн байдлаар Монгол Улсын хэмжээнд 230 мянга гаруй ахмад тэтгэврийн зээл авсан гэх мэдээлэл бий. Нийтдээ 700 орчим тэрбум төгрөгийн зээлийг арилжааны банкнаас авсан. Ингэхдээ нийт тэтгэвэр авагчдын 91.8 хувь нь Хаан банк болон Төрийн банкаар үйлчлүүлдэг гэх судалгаа бий.
