Нүүдэлчин ахуй, унаган байгаль жуулчдын сонирхлыг татаж байна

БНХАУ-ын ӨМӨЗО-ы Шилийн гол аймгийн Баруун үзэмчин хошууны “Хар говь” жуулчны бааз нүүдэлчин ахуй, аж байдлыг жуулчдад танилцуулж, морь сургах, унаж эдлэх, сүү, цагаан идээ боловсруулах зэрэг малчин хүний хийдэг ажлуудыг дэргэдээс харах боломж олгодог байна. Нүүдэлчдийн ахуйд татагдсан жуулчдын тоо жилээс жилд нэмэгдсээр байгаа гэнэ. БНХАУ-ын өмнөд нутгаас ирсэн жуулчид “Хар говь” жуулчны баазад дахин дахин ирдэг, бүр долоон удаа ирж амарсан жуулчид ч байгаа гэнэ.