Сонгуулийн ерөнхий хорооноос 2023 онд нөхөн сонгууль явагдах аймаг, сум, дүүргийн мэдээллийг гаргажээ. Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийн тухай хуулийн 9 дүгээр зүйлийн 9.9-д заасны дагуу Орон нутгийн Хурлын нөхөн болон дахин сонгуулийг жил бүрийн зургадугаар сарын гурав дахь долоо хоногийн ням гарагт буюу 2023 огны зургадагуур сарын 18-нд улс даяар нэгдсэн журмаар явуулах юм байна. Тухайн төлөөлөгч нас барсан, өөрөө чөлөөлөгдөх хүсэлтээ гаргасан, төрийн жинхэнэ албанд шилжсэн, орон нутгаасаа шилжин явсан зэрэг шалтгаанаар нийт 47 мандатын ор гарсан тул эдгээр мандат дээр нөхөн сонгууль явуулах юм байна.
