Нүүрсний хэрэгт холбогдуулан “Эрдэнэс Тавантолгой” ХК-ийн гүйцэтгэх захирал асан Б.Ганхуяг нарын найман хүнийг АТГ-аас баривчлан саатуулаад байгаа. Б.Ганхуягийн мэдүүлгээр Ерөнхийлөгч асан Х.Баттулга нарын 17 улстөрчийн нэрийг мөн зарласан. Тэгвэл өнөө шөнө ТЕГ-ын дарга асан Б.Хурцыг баривчлахаар болсон гэдэг албан бус мэдээлэл байна.
Б.Хурц 2000-2002 онд Тагнуулын ерөнхий газарт ажилтан, 2004-2006 онд ТЕГ-ын хэлтэс, газрын дарга, 2003-2004 онд Унгарт суугаа Монгол Улсын ЭСЯ-ны нэгдүгээр нарийн бичгийн дарга, 2003-2004 онд Турк улсад суугаа Монгол Улсын ЭСЯ-ны нэгдүгээр нарийн бичгийн дарга, 2006-2009 онд Сөүл дэх МИАТ компанийн салбарт Ерөнхий төлөөлөгч, 2009-2011 онд ҮАБЗ-ийн Ажлын албаны дарга, 2011-2014 онд АТГ-ын дэд дарга, 2014-2017 онд Тагнуулын ерөнхий газрын даргаар ажиллаж байсан юм.
