“Channel11” телевиз цар тахлын үед “Ярууслын чуулган” монгол туургатны наадмыг зохион байгуулсан явдал манайдаа шинэлэг байлаа. Уг наадамд 221 найрагч оролцож, өнгөрсөн зун цахим орчин шүлэг найргаар давалгаалсан. “Ярууслын чуулган”-ы анхны ялагч Азийн шилдэг яруу найрагч Д.Урианхай тодорч 30 сая төгрөгийн шагнал гардсан.
Дэд байранд шалгарсан яруу найрагч М.Амархүү 15 сая, гутгаар байрын шагналт Барсболд таван сая төгрөг, сүүлийн шатанд үлдсэн зургаан найрагч тус бүр сая төгрөгийн шагнал гардсан. Оюуны үнэлэмжийг ийнхүү өсгөсөн явдал утга зохиолын салбарынхан, сонирхогчдын талархлыг хүлээсэн билээ.
Энэ жил хоёр дахь удаагаа “Ярууслын чуулган” наадмыг зохион байгуулах болсноо “Channel113 телевизийнхэн албан ёсоор мэдэгдлээ. “Эх хэлээ дээдэлье” уриатай яруу найргийн давалгаанд их дээд сургуулиуд хичээл эхэлмэгц оюутан сурагчдаа түлхүү оролцуулан нэгдэх сонирхолтойгоо мэдэгджээ.
