УИХ-ын гишүүн С.Одонтуяа Архангайн АН-ынхантай уулзаж байна

УИХ-ын гишүүн, УИХ-ын дэд дарга С.Одонтуяа Архангай аймагт ажиллаж байна. Архангай аймгийн Засаг дарга Д.Золжаргалыг ИТХ-ын ээлжит бус хуралдаанаар огцруулсан асуудлаар УИХ дахь Ардчилсан намын бүлэг байр сууриа илэрхийлж, Архангай аймагт ажлын хэсэг томилон ажиллана хэмээн мэдэгдсэн.

Энэ дагуу өнөөдөр УИХ-ын гишүүн, УИХ-ын дэд дарга С.Одонтуяа Архангай аймгийн намын гишүүд, Архангай аймгийн ИТХ-ын хурал дахь Ардчилсан намын бүлгийн гишүүдтэй уулзаж, намын эв нэгдэл, аймгийн намын бүлгийн нэгдмэл байдлын талаар ярилцаж, 2020 оны орон нутгийн сонгуулийн дүнд байгуулагдсан аймгийн удирдлагуудыг тогтвортой ажиллуулах асуудлаар гишүүд, дэмжигчидтэй уулзалт хийж байгаа юм байна.