Үндсэн хуулийн цэцийн гишүүнээр ажиллах хугацаа дуусантай холбоотой сонгох асуудал тавигдсан. Тэгвэл Үндсэн хуулийн цэцийн гишүүн асан Д.Солонго улиран сонгогдох материалаа өгсөн ч олонхын дэмжлэг авч чадаагүй байна. Харин түүний оронд Ж.Эрдэнэбулганыг цэцийн гишүүнээр томилохоор боллоо.
Үндсэн хуулийн цэцийн гишүүн Д.Солонгын цэцийн гишүүнээр ажиллах хугацаа дуусаад байгаа. Тэрбээр улиран сонгогдох материалаа өгсөн ч олонхын санал авч чадалгүй ийнхүү уналаа. Иймд дүрэм журамд заасан ёсоороо Д.Солонго дахин нэр дэвших эрхгүй болсон байна. Д.Солонгын оронд томилогдох өрсөлдөөнд 17-18 хуульч оролцсоноос Ж.Эрдэнэбулган олонхын санал авч Үндсэн хуулийн цэцийн гишүүнээр сонгогдлоо. Ж.Эрдэнэбулган нь МУИС-ийн Хууль зүйн сургуулийн захирал, хуульчдын дунд хүлээн зөвшөөрөгдсөн нэгэн ажээ.
