БНХАУ-ын Төрийн зөвлөлийн гишүүн бөгөөд Гадаад харилцааны сайд Ван И-гийн урилгаар ОХУ-ын Гадаад хэргийн сайд Сергей Лавров энэ сарын 22-23-ны өдрүүдэд өмнөд хөршид айлчлах гэж байна. Энэ талаар БНХАУ-ын Гадаад хэргийн яамны хэвлэлийн төлөөлөгч Жао Лижянь өчигдөр мэдэгджээ.
Тэрбээр, Хятад, Орос бол иж бүрэн стратегийн хамтын ажиллагааны түнш бөгөөд хоёр орны гадаад хэргийн сайд нарын найрсаг дотно хэлхээ холбоо нь хоёр орны харилцааны хөгжлийг ахиулахад чухал ач холбогдолтой юм. Энэ онд “Хятад, Оросын найрсаг хөршийн хамтын ажиллагааны гэрээ” -нд гарын үсэг зурсны 20 жилийн ой тохиож байна. Энэ нь хоёр орны харилцааны хөгжлийн түүхэнд маш чухал бэлэг тэмдгийн чанартай үйл явдал бөгөөд энэ онд хоёр орны харилцааг хөгжүүлэх чухал үндэс суурийг тавих болно. Гадаад хэргийн сайд С.Лавров айлчлалынхаа үеэр Төрийн зөвлөлийн гишүүн, Гадаад хэргийн сайд Ван И-тэй албан ёсны хэлэлцээ хийнэ гэжээ.
