БШУ-ы сайд Л.Энх-Амгалан өнөөдөр ОХУ-аас Монгол Улсад суугаа Онц бөгөөд Бүрэн эрхт Элчин сайд И.К.Азизовтой уулзах үеэрээ “COVID-19”-ийн эсрэг вакцинтай холбоотой мэдээлэл солилцсон байна. ОХУ-ын “Спутник V” вакциныг дэлхийн 45 улс хүлээж аваад байна. Үүний нэг нь манай улс юм.
Манай улсын тухайд ирэх долоо хоногт багш нарыг вакцинжуулалтад хамруулахаар төлөвлөж байгаа. ОХУ цаашид вакцин дахин нийлүүлэх боломж байгаа гэсэн учир Засгийн газрын түвшинд ярилцахаар тохирсон байна. Одоогоор “Спутник V” вакциныг дэлхийн 40 орчим орон бүртгэн авч, хэрэглэхийг зөвшөөрөөд байна. Тус вакцин нь “COVID-19” цар тахлын хүндрэлээс бүрэн хамгаалдаг бөгөөд анагаах ухааны нэр хүндтэй “Lancet” сэтгүүлд мэдээлснээр 92 хувийн үр дүн үзүүлж байгаа аж.
