Монгол Ардын Намын ахмад гишүүн, Монгол Улсын Хөдөлмөрийн баатар Ч.Хурц, АИХ-ын дарга асан Ж.Гомбожав, УИХ-ын гишүүн асан Д.Цэвээнжав, МАН-ын ахмад гишүүн Ө.Дорждэрэм нарын ахмадууд МАН-ын Ерөнхий нарийн бичгийн дарга Д.Амарбаясгалан нарт улс төрийн томоохон намуудыг нэгтгэх талаарх уриалгаа
гардуулан өглөө. Энэхүү уриалга нь анхны тохиолдол биш бөгөөд 2012 оны УИХын сонгууль, 2013 оны Ерөнхийлөгчийн сонгуулийн үед ч яригдаж байсан асуудал
гэдгийг намын ахмад гишүүн Ө.Дорждэрэм онцолж байлаа. Энэ удаагийн уриалгад МАНын 12 ахмад настан, МАХН-ын гишүүн таван хүн гарын үсгээ зурж, уг уриалгыг дэмжиж байгаагаа илэрхийлжээ.
Хоёр нам нэгдэж нягтрах тухай уг уриалгад МАН нааштай хандаж, ярилцаж байгааг тус намын Ерөнхий нарийн бичгийн дарга Д.Амарбаясгалан хэлэв. “Монгол Улсын эдийн засаг, санхүү, бизнесийн бүх салбарт ажиллаж, удирдах эх оронч боловсон хүчин дээрх хоёр намд хангалттай байна. Иймд МАН, МАХН-ын удирдах байгууллага, удирдлагууд та бүхнийг хоёр намыг нэгтгэх түүхэн шийдвэр гаргана гэдэгт
найдаж байна гэж уг уриалгад дурджээ.
