Цахимаар зохион байгуулагдсан Future Stars International Piano Competition буюу өсвөрийн төгөлдөр хуурчдын уралдаанд таван тивийн 24 орны сурагчид оролцжээ. Уг уралдаанд Монгол Улсын консерваторын сурагч О.Нандин 11-13 насны ангилалд 11 насандаа 2-р байранд шалгарсан байна. Ийнхүү оло улсын нэр хүндтэй уралдаанд түрүүлсэн мэдээг хүлээн аваад О.Нандин “Намайг энэ хүртэл 8 жилийн турш өөрийн охин мэт дагуулж, зааж, сургаж, амжилт бүхнийг минь бүтээлцэж, хамтдаа баярлаж, сурагчид бидний төлөө үргэлж санаа тавьж байдаг, хөдөлмөрч С.Саянцэцэг багшдаа маш их баярлалаа. Багшдаа хайртай шүү” хэмээн сэтгэгдлээ илэрхийлжээ.
О.Нандингийн хувьд 2017 онд Испани, Франц, Англи, Италид болсон төгөлдөр хуурчдын олон улсын уралдаанд бүгдэд нь насны ангилалдаа түрүүлж байсан ажээ. Мөн БНСУ-ын Сѳүл хотод 2019 оны арваннэгдүгээр сарын 6-7-ны өдрүүдэд болсон Олон Улсын ѳсвѳрийн тѳгѳлдѳр хуурчдын уралдаанд О.Нандин 1-р байр эзэлж байв.
