Засгийн газар өнөөдөр /2020.10.30/ ээлжит бусаар хуралдаж, Цагааннуур боомтоор орж ирсэн ОХУ-ын хоёр жолоочоос коронавирус илэрч, манай улс дотооддоо “COVID-19”-ийн халдварыг алдсан гэх мэдээлэлд хариулт өглөө.
Шадар сайд Я.Содбаатар: Монгол-ОХУ хоорондын хилийн Цагааннуур, Боршоо боомтыг 21 хоногийн хугацаагаар хаах шийдвэр гаргалаа. Манай улстай хиллэдэг ОХУ-ын бүс нутагт өвчлөл нэмэгдэж байгаа учраас урьдчилан сэргийлэх зорилгоор энэ арга хэмжээг авч байгаа хэмээн мэдээллээ.
Эрүүл мэндийн сайд Т.Мөнхсайхан “Коронавирусийн халдвар дотоодод алдсан тохиолдол байхгүй. Бид тандалтын шинжилгээг байнга хийж байна. Хилийн чанад дахь нөхцөл байдал хүндэрч байгаа тул Цагааннуур боомт дахь хяналтаа чангаруулж байна. ОХУ-ын иргэн, ачаа тээврийн хоёр жолоочид коронавирусийн халдвар илрүүлэх шинжилгээний хариу нь шөнө гарсан ч бид дахин шинжилгээ хийж, баталгаажуулах шаардлагатай байсан нь өнөөдрийн хэвлэлийн хурлын дараа болсон мэдээллийг өглөө.
