Ихэнх нутгаар цас орж, цасан болон шороон шуурга болох төлөвтэй байгааг мэргэжлийн байгууллагууд анхааруулж байна. Тухайлбал, өнөөдрийн 10:00 цагийн байдлаар Өвөрхангай аймгийн Шартын даваа, Бумбатын даваа, Элсэн тасархай, Булган аймгийн Рашаант, Архангай аймгийн Солонготын даваа орчимд цас орж, салхи шуургатай байгаа ажээ. Мөн Өвөрхангай аймгийн Арвайхээр, Төв аймгийн Лүн сум хүртэлх замын зорчих хэсэг халтиргаа гулгаа үүссэн тул хөдөлгөөн удаашралтай байгаа юм байна.
Өнөөдөр Төв, Хэнтий, Дундновь, Өмнөговь, Говьсүмбэр аймгуудын нутгаар цас орж, цасан шуурга шуурах төлөвтэй байгаа тул тухайн чиглэлд тээвэрлэлт гүйцэтгэж байгаа жолооч нарт анхаарал болгоомжтой аюулгүй байдлыг хангаж зорчихыг мөн анхааруулж гаргаж байна.
