Өчигдөр буюу есдүгээр сарын 30-нд төвийн зарим аймгийн нутгаар их хэмжээний нойтон цас орж, хүчтэй цасан шуурга шуурсны улмаас авто зам, замын байгууламжууд цасанд боогдож, халтиргаа гулгаа үүсчээ. Ийнхүү тээврийн хэрэгсэл зорчиход хүндрэлтэй нөхцөл байдал үүссэн тул иргэдийн амь нас, эрүүл мэнд, эд хөрөнгийг болзошгүй гамшгаас урьдчилан сэргийлэх зорилгоор улсын чанартай Улаанбаатар-Арвайхээр, Улаанбаатар-Дархан чиглэлийн авто замыг 2020 оны аравдугаар сарын 01-ний 00 цагаас 2020 оны аравдугаар сарын 01-ний 10.00 цаг хүртэл түр хааж автотээврийн хэрэгслийн хөдөлгөөнийг зогсоохоор болжээ. Нойтон цасны улмаас тээврийн хэрэгслүүдийн хөдөлгөөн саатах, цасанд суух зэрэг хүндрэл цөөнгүй гарсан байна.
