БНХАУ-ын жүжигчин Лю Йифэй Гон Ли, Донни Йен нарын туслах дүрд тоглосон Диснейн боевик кино “Мулан” Хятадын эх газарт есдүгээр сарын 11-нд албан ёсоор нээлтээ хийхээр болжээ. Уг киног мөн есдүгээр сарын 4-нд Диснейн сувгуудаар гаргах бөгөөд хөл хорионы дэглэмээ сулруулж, үйл ажиллагаагаа сэргээсэн зарим улс, бүс нутгуудын театруудад үзэгчдэд толилуулахаар төлөвлөжээ.
Одоогоос 21 жилийн өмнө “Мулан” хүүхэлдэйн кино Хятад болон дэлхий дахинд домог болж, Оскарын Шилдэг оноо шагналд нэр дэвшиж байсан юм. “Walt Disney Pictures” албан ёсоор киноныхоо товыг зарласны дараа уг киноны хятад хэл дээрх постер бэлэн болсон байна.
200 сая ам.долларын хөрөнгө оруулалтаар бүтсэн “Мулан” киноны нээлт “COVID-19” өвчний дэгдэлтээс болж хэд хэдэн удаа хойшлогдсон юм. Киног гуравдугаар сард АНУ-ын театруудад нээхээр төлөвлөж байсан ч хойшлуулж, долоодугаар сарын 24-нд гаргахаар болсон аж. Гэвч дахин хойшлуулж наймдугаар сарын 21-нд нээхээр болжээ. Ийнхүү цар тахлын нөхцөл байдлаас болж нээлтээ хийж чадалгүй хагас жил хэртэй болсон тул эцэст нь Диснейнхэн киногоо стриминг платформ дээр гаргахаар шийдсэн байна.
