Засгийн газрын долоодугаар сарын 16-ны өдрийн хуралдаанаар яамны үйл ажиллагааны стратеги, зохион байгуулалтын бүтцийн өөрчлөлтийн хөтөлбөр, бүтэц, орон тооны хязгаарыг баталжээ.
Батлагдсан бүтцээр 7 газар, нийт 78 албан хаагчийн орон тоотой байхаар төлөвлөсөн бөгөөд дараах газрууд байна. Үүнд:
– Стратеги, бодлого төлөвлөлт,
– Төрийн захиргаа, удирдлага,
– Соёл гэгээрэл,
– Урлаг уран бүтээл,
– Соёлын өв,
– Санхүү хөрөнгө оруулалт,
– Хяналт шинжилгээ, дотоод аудит
Шинээр байгуулсан Соёлын яамны бүтэц, орон тоог батлахдаа Төрөөс соёлын талаар баримтлах бодлого, Монгол Улсын хөгжлийн бодлого, төлөвлөлтийн баримт бичиг болон МУ-ын Үндсэн хууль, Соёлын тухай хууль, Соёлын өвийг хамгаалах тухай хууль, тогтоомжид үндэслэн, дэлхийн чиг хандлага, соёлын салбарын бодит нөхцөл, үндэсний онцлогийг харгалзан төслийг боловсруулжээ.
