АНУ-ын ерөнхийлөгч Дональд Трампын төрсөн дүү бизнесмэн Роберт Трамп 72 насандаа бямба гараг буюу 2020 оны наймдугаар сарын 15-ны орой Нью-Йорк хотын нэгэн эмнэлэгт таалал төгсчээ. Д.Трамп баасан гарагт дүүгээ эмнэлэгт эргэж очсон аж. Тэрбээр дүүгээ нас барсан мэдээг сонсоод “Гайхамшигтай дүү Роберт минь өөд боллоо. Чин сэтгэлээсээ гашуудан байна. Тэр зөвхөн миний дүү биш, миний хамгийн сайн найз байсан. Түүнийг маш их санах болно. Гэхдээ бид дахин уулзах болно. Түүний тухай дурсамж миний зүрх сэтгэлд үүрд мөнхөд хадгалагдах болно” хэмээн хэлжээ.
Роберт, Дональд хоёр хэдий төрсөн ах дүүс боловч тэс өөр зан чанартай хүмүүс байсан гэнэ. Дональд Трамп нэгэн удаа дүүгээ “Надаас илүү тайван, амар амгалан” хэмээн тодорхойлж байж. Роберт Трамп карьераа “Уолл Стрийт” корпорацид санхүүгийн чиглэлээр ажиллаж эхлүүлсэн боловч дараа нь гэр бүлийн бизнес эрхэлжээ.
