БНХАУ-ын Гүйжөү мужийн Аньшүнь хотод энэ сарын 7-ны өдрийн 12:00 цагийн үед зорчигч тээвэрлэж явсан том оврын автобус гүүрэн дээрээс унасан ноцтой осол гарчээ. Уг ослын талаар камерт үлдсэн бичлэгээс харахад автобус гүүрэн дээр хөдөлгөөнд оролцож яваад гэнэт хөндлөн эргэж шууд гүүрийн хашлага дайран Хонгшан нуур руу унасан байна. Уг автобусны жолооч 20 гаруй жил жолоо барьсан туршлагатай нэгэн байсан бөгөөд яагаад ийм үйлдэл хийх болсон нь тодорхойгүй үлджээ.
Ослын улмаас автобусанд сууж явсан 36 зорчигчийн 21 нь амиа алджээ. Онцгой байдал болон цагдаагийн алба хаагчид, аврагчид шуурхай ажиллаж 15 хүнийг аварч чадсан байна. Тухай өдөр БНХАУ даяар элсэлтийн шалгалт эхэлсэн бөгөөд автобусанд шалгалтаа өгөх гэж явсан хүүхдүүд байжээ.
