АНУ, Израил Иран руу довтлон, хамтарсан цэргийн ажиллагааг 2026 оны 02 дугаар сарын 28-ны өдөр эхлүүлж, бүс нутагт хямрал нүүрлэн олон сар болсны эцэст талууд 06 дугаар сарын дундуур гал зогсоон, санамж бичиг байгуулж байсан. Гэсэн ч талуудын хоорондын нөхцөл байдал дахин хурцаджээ.
Тодруулбал, Ормузын хоолойгоор зорчиж явсан хөлөг онгоц руу Ираны тал халдсаны хариу болгон АНУ Иранд цохилт өгч эхэлсэн байна. Энэ цохилт хэдэн цаг үргэлжлэх бөгөөд Ираны агаарын довтолгооноос хамгаалах систем, эргийн ажиглалтын систем, газар-агаар ангиллын пуужин, хөлөг онгоцны эсрэг далавчит пуужин болон дрон хөөргөх талбайг АНУ-ын Зэвсэгт хүчин онилсон гэж холбогдох эх сурвалжаас авсан мэдээлэлтэйгээр Associated Press агентлаг дамжуулжээ.
Ийнхүү АНУ цохилт өгч эхэлсний дараа Исламын Бүгд Найрамдах Иран Улс АНУ-ыг санамж бичгийг удаа дараа зөрчсөн хэмээн буруутгасан бол АНУ хэдийгээр цохилт өгч байгаа ч үүний дараа хэлэлцээгээ үргэлжлүүлж, эцсийн тохиролцоонд хүрэх хүсэлтэй байгаа гэж The Wall Street Journal мэдээлсэн байна.
Эх сурвалж: AP, WSJ
